Početna Gostujuće kolumne [LIGA PRVAKA 2020] Perrone 2 sekunde prije kraja donio pobjedu u Igalu
[LIGA PRVAKA 2020] Perrone 2 sekunde prije kraja donio pobjedu u Igalu PDF Ispis
(2 ocjena, prosjek: 5.00 od 5)
Gostujuće kolumne
Autor Roberto   
Srijeda, 20 Studenog 2019 00:36

Jadran Carine – Zodiac CNAB 12:13 (4:1) (1:5) (4:3) (3:4)

 

Suci: Colombo (ITA), Stavridis (GRE)

Igrač više: Jadran 3/10, Barceloneta 4/11

Dva igrača više: Jadran 1/1, Barceloneta 1/1

Peterci: Barceloneta 2/2

 

Jadran: Tešanović, Čagalj, Popadić 1, Obradović 2, Banićević, Averka 2, Mijušković, Vučurović, Radović 2, Spaić 1, Brkić 1, Petković 3, Đurović. Trener: Radanović

Barceloneta: Lopez, De Toro, Granados 4 (2/2), Munarriz 3, Bodegas, Larumbe, Aleksić, P.Linares, Tahull, Perrone 2, Mallarach 4, Bustos, M.Linares. Trener: Martin

 

Nakon izborenog prvoga boda u prošlome kolu, malo je falilo da ekipa Jadrana dođe i do drugoga još jednim remijem te priredi neugodno iznenađenje španjolskome prvaku. A to malo je doista bilo par sekundi, no, trener Martin se na time outu na 15 sekundi prije kraja odlučio poslati i golmana u zadnji napad te imati „igrača više“ što se isplatilo u vidu pobedonosnoga gola koji je postigao Perrone (dvije sekunde prije kraja) ostavši nebranjen na ljevom vanjskom. Kako rezultat i sugerira, sama utakmica jeste bila izjednačena ali i jedni i drugi su imali kako dobrih trenutaka tako i padova u igri što je rezultiralo serijama golova na svakoj strani naizmjence da bi tek u posljednjoj išlo gol za gol.  Najviše problema na obje strane je bilo u slaboj realizaciji igrača više. Gosti su u početku imali dosta problema zabiti i iz igre -  do prvoga su došli nakon skoro 10 minuta igre, kasnije kada su domaći prešli na pliću zonu, prostora za bolje izrađene šuteve Granadosa i Munarriza bilo je više pa je ovaj segment popravljen.

 

Prve dvije četvrtine bile su dosta slične samo u različitim pravcima, u prvoj, nakon početnoga vodstva iz igrača više Barceloneta ne koristi još 4 ovakve prilike iako su raznolikim napadima stizali do šuteva koji su završavali obranama i blokovima. Zapravo i taj jedini gol bio je posljedica jedne loše intervencije Tešanovića više no dobrog šuta Mallaracha. Kasnije je golman Jadrana nakupio solidan broj obrana, istina ne toliko opasnih šuteva ali po njega bitnije da nije imao ovakvih kikseva više. Na drugoj strani, Jadran koristi dvije prilike kod brojčane prednosti ali uspijevaju zabiti i preko 2 metra (Brkić) te jednom iz bržeg napada koji golom završava Obradović sa srednjeg za neočekivano ubjedljiv početak domaćih od 4:1.

Druga četvrtina počinje obranama golmana, stativom koju pogađa Perrone i najzad poslije skoro 3 minute igre u njoj gosti dolaze do drugoga gola, ponovo preko Mallaracha ovaj put sa dva igrača više. Sada je na Jadran došao red da promašuje igrače više, 3 u ovoj četvrtini, par puta iz dosta brzopletih šuteva ali ni preko stative im nije išlo bolje. Za to vrijeme, kod gostiju i dalje pogađa samo Mallarach, na 4:3 smanjuje iz još jednog igrača više a sve dobro što su domaći napravili u drugoj četvrtini bila je kontra Petkovića, nakon jedne obrane Tešanovića, koja donosi 5:3. Najzad se još neki igrači gostiju priključuju Mallarachu, najprije Granados (igrač više) sa ljevog vanjskog, potom Munarriz iz vana a nakon klasičnog Perroneovog isplivavanja po ljevoj strani, dobija peterac iz koga Granados donosi potpuni preokret na poluvremenu 5:6.

Izgledalo je kao početak kraja za domaće ali se brzo ispostavilo da nije tako i da igrači Jadrana imaju još šta za pokazati. Iz prva 3 napada u trećoj četvrtini zabijaju 3 gola, Popadić iz faula, Radović sa desne strane iz jednog bržeg napada baš kao i Obradović koji je uplivao na 2 metra, uz greške koje gosti prave dva puta kod  prilika sa igračem više, Jadran je ponovo u plusu od 2 gola – 8:6. Naredni minuti donose 3 uzastopna gola Barcelonete, Perrone sa srednjeg, Mallarach uz ponovo slaboga Tešanovića, pa na kraju iz igrača više koga je zaradio uplivavši na 2 metra Munarriz te odmah i realizirajući ponovo se vraća prednost gostima. Jadran ne uspijeva 2 puta sa igračem više ali do poravnanja na kraju treće četvrtine ipak stiže golom Petkovića koji na spavanju hvata i svoga čuvara i Lopeza.

U posljednjoj četvrtini nema više golova u serijama, oprezniji su i jedni i drugi i sigurni u početku sa igračem više, Granados sa ljeve strane na asist Larumbea sa desne, Averka sa srednjeg za 10:10. Kod narednoga Barceloneta greši ali Popadić i Čagalj su već zaradili po 3 izbačaja i Jadran prelazi na pliću zonu što koristi Munarriz. Uzvraća Petković sa srednjeg (igrač više) za 11:11 nakon čega slijedi neefikasan dio koji traje do zadnje minute. Nakon još jednog bijega Perronea poslije izgubljene lopte Jadrana, novi peterac koji Granados pretvara u 11:12 ali su domaći uspješni u svome posljednjem napadu i preko Spaića dolaze do još jednog poravnanja na 15 sekundi do kraja.

 

Nova pravila i rizik sa golmanom u napadu ovaj put su se isplatili Barceloneti golom za pobjedu koji je postigao Perrone, svakako ponajbolji pojedinac ove utakmice. Odmah uz njega svakako je bio Mallarach koji je u početku sam držao goste, kasnije su proradili Granados i Munarriz. Kod Jadrana također najučinkovitiji kapetan – Petković. Zanimljiva utakmica u kojoj Jadran na kraju ima i te za čim da žali ali i ovo je jedan od načina za sticanje iskustva koje je Barceloneti ovoga puta donelo sva 3 boda.

 

Komentari

Morate biti prijavljeni za slanje komentara i odgovora.
Radim....
Poslano
Nije uspjelo